Նորություններ

Posted by: | Posted on: Հունվարի 18, 2017

«ՄԵՂՈՒ 2018» մրցույթ-խաղ

Այսօր հոկտեմբերի 25-ն է, և հայերենի ամենազանգվածային «ՄԵՂՈՒ 2018» մրցույթի օրը: Այս մրցույթ-խաղին մասնակցեցին նաև Վանաշենի միջնակարգ դպրոցի 3-12-րդ դասարանների աշակերտները : « Մասնակցությունն արդեն հաղթանակ է » կարգախոսով հանդես եկավ դպրոցի տնօրեն Հ.Նահապետյանը և հաջողություն մաղթեց բոլոր մասնակից երեխաներին:

Վանաշենի միջնակարգ դպրոցին էին հյուրընկալել Արարատի մարզի առաջատար մասնագետ Հրանտ Սարգսյանը, մշակույթի և սպորտի բաժնի պետ Մերի Կարապետյանը, որոնք Արարատի մարզպետ Գ. Սարգսյանի կողմից պարգևատրեցին «Մինի ֆուտբոլ»-ի հավաքական թմին «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶԵՐԻ, ԵՐԵՎԱՆ ՔԱՂԱՔԻ ԵՎ ԱՐՑԱԽԻ ՀԱՆՐԱՊԵՏՈՒԹՅԱՆ ՀԱՆՐԱԿՐԹԱԿԱՆ ԴՊՐՈՑՆԵՐԻ 8-12-ՐԴ ԴԱՍԱՐԱՆՆԵՐԻ ԱՇԱԿԵՐՏՆԵՐԻ ՍՊԱՐՏԱԿԱԴԻԱ» մարզական միջոցառման մարզային փուլում 1-ին հորիզոնականը գրավելու համար, իսկ Գյումրիում կայացած «Հայաստանի Հանրապետության մարզերի, Երևան քաղաքի և Արցախի Հանրապետության հանրակրթական դպրոցների 1-3-րդ և 4-7-րդ դասարանների միջև անցկացվող «Սպորտլանդիա» մարզական միջոցառման» եզրափակիչ փուլում 1 պատվավոր տեղ զբաղեցրած 1-7-րդ դասարանների երեխաններին շնորհվեցին դրամական պարգևներ :

«Ա» տառի շնորհանդես

Հոկտեմբերի 19-ին, Վանաշենի միջնակարգ դպրոցի 1-ին դասարանի աշակերտները, դասվար Դ.Գաբրիելյանը հանդես եկավ «Ա» տառի հանդիսավոր դաս- միջոցառմամբ: Նրանք ներկայացրեցին, որ 405 թվից մինչ օրս հազարավոր սերունդներ, սովորում են հայոց այբուբենը և Ա տառով մուտք գործում տառերի գանձարան: Ու բացվում է հրաշքների աշխարհը:
Ուսուցանվեց «Ա» հնչյուն-տառը, երգերի ներքո ներկայացրեցին «Ա» տառը:
Երեխաների համար ամենամեծ տոնն էր , փառավոր այբբենարանի առաջին տառի էջն էին բացում: Այսօրվանից իրենցն հետ էր հավետ տառերը սիրուն, ու կյանքի բոլոր ճամփաներում պիտի քայլեն իրար հետ: Գրել, կարդալ, սիրել լեզուն, մեծ Մաշտոցին արժան ու հավատարիմ լինել: Երբեք չդավաճանել, շատ գրքեր կարդալ, որ հասկանան նոր արժեքներ: Քանզի մեսրոպատառ, աստվածատուր այբուբենը մեր դար ու դարեր մաքառել է, երթը պահել մեր աննահանջ: Բազում սերունդներ են սերտել խորհուրդը բազմահանճար, հերթը եկել իրենց է հասել, երդվեցին պահել արժանապատվորեն:
Օրվա խորհրդով համտեսեցին «Ա» տառի բլիթները: Դպրոցի տնօրեն Հ.Նահապետյանը մաղթեց, բարի երթ խորհրդավոր տառերի անսովոր աշխարհում:

 


Ողջու՛յն, դպրոց

Posted by: | Posted on: Դեկտեմբերի 19, 2016

Դպրոցում է դրվում գիտության հիմնաքարը:

Մտիր այս դռներից ներս ու կստանաս գիտելիքի անսպառ պաշար: Այս կրթօջախն է տալիս գիտելիքի բանալին: